Դառանժի «Ներքին հեղափոխություն/NulluS» վեպի շնորհանդես

PAST EVENTS

12/7/2019

Poster for a book presentation event on December 7 at The Club, featuring author portrait and feather art.

«Էդիթ Պրինտ» հրատարակչությունը դեկտեմբերի 7-ին, ժամը 16:30 սիրով բոլոր ընթերցասերներին հրավիրում է The Club սրճարանի երրորդ սրահ՝ Դառանժի (Անժելա Դարբինյան) «Ներքին հեղափոխություն/NulluS» վեպի շնորհանդեսին:
«Ներքին հեղափոխություն/NulluS» վեպը հակաուտոպիական ժանրի ստեղծագործություն է: Հենց այդ ժանրի բազմաշերտ լինելն է, որ թույլ է տալիս հեղինակին հեշտությամբ բացել մարդ տեսակի ներաշխարհը եւ այն ցույց տալ ընթերցողին:
Գիրքը պատմում է հորինված Նուլլուս երկրում կատարված հեղափոխության հետեւանքների եւ ներքին հեղափոխական լինելու մասին՝ հրամցնելով այն գաղափարը, որ յուրաքանչյուրս հանդիսանում ենք մեր օրերի հերոսները: Առեղծվածային սյուժեի միջոցով ընթերցողին ցույց է տրվում, թե սխալ մոտեցումների եւ գաղափարների հետեւանքով ինչպիսի քաոսի կարող է վերածվել հեղափոխված իրականությունը: Դրանից բխում են բազմաթիվ հարցեր՝ ո՞րն է կյանքի իրական շարժառիթը, արդյո՞ք մարդկանց «քնած» գիտակցությունը կարթնանա՝ բացելով նոր դռներ նրանց հեղափոխական ոգու առջեւ:
Միջոցառման մուտքն ազատ է: Սպասվում են հետաքրքիր հյուրեր: