Ռուբիկ Հախվերդյանի բարեգործական համերգը

ՀԱՎԵՍԻՆ ՍԵՆՅԱԿ ՍԱՀՄԱՆԱՄԵՐՁ ԽԱՉԻԿ ԳՅՈՒՂԻՆ

Դուք հնարավորություն կունենաք ոչ միայն հիանալի համերգ վայելելու Ռուբեն Հախվերդյան տրիոյի կատարմամբ, այլև Ձեր ներդրումով (մուտքը` 5000 դրամ) կաջակցեք շատ կարևոր մի գործի. Ձեր օգնությամբ Խաչիկ գյուղում մշակույթի սենյակ (ՀԱՎԵՍԻՆ ՍԵՆՅԱԿ) կբացվի:
Այս միջոցառմանն իրենց մասնակցությունն ու զորակցությունն է բերում նաև հայ երևելիների մի խումբ` Հասմիկ Պապյանը, Տիգրան Համասյանը, Մարիամ Պետրոսյանը, Նարինե Աբգարյանը, այլք` ընդգծելու Խաչիկ գյուղում ՀԱՎԵՍԻՆ ՍԵՆՅԱԿ բացելու կարևորությունը:
Խաչիկը սահմանապահ գյուղ է, 37 կմ սահման ունի Նախիջևանի հետ: Մարզկենտրոնից հեռու է 40 կմ, հարևան հայկական գյուղից` 21 կմ, ադրբեջանական գյուղից` ընդամենը 5 կմ: Գյուղի 104 աշակերտները մշակութային կրթության իրավունք և կարիք ունեն:
ՀԱՎԵՍԻՆ ՍԵՆՅԱԿՆԵՐԻ ՑԱՆՑ ծրագրի մասին` https://haysanta.am/hy/հավեսին-սենյակներ-բրենդ/

Ձեզ սպասում են հաճելի անակնկալներ. աճուրդի մասնակցելով` կկարողանաք ձեռք բերել շապիկներ, գինիներ, Մարիամ Պետրոսյանի և Նարինե Աբգարյանի գրքերը, որոնց վրա անվանի արվեստագետները համերգի ընդմիջման ընթացքում իրենց ստորագրությունը կդնեն: Դուք առիթ կունենաք ծանոթանալու խաչիկցիների հետ, կվայելեք The Club-ի հյուրասիրությունը:
Սպասվում են նաև հայտնիների իմպրովիզ-ելույթներ: